مقاطع من روائع الشعر (الغزلي)

ماشفت صورتك بين الرمش وعيوني

ماشفت سود الليالي كيف أقضيها

أشوف غيرك ولكن مايهموني

عيني إذا ماتشوفك وش أبي فيها

ماهمني لو تعيش العمر من دوني

لكن دونك حياتي كيف أقضيها





حب قصير وحب ماله نهاية

وحب يموت وحبك أقوى من الموت

ياللي معك كانت لي أجمل حكاية

وأجمل كلام صار لعيونك سكوت

كيف أبتدي بك وأنت كل البداية

وكيف أنتهي بك وأنت لأحساسي القوت




أفرح لقربك وأتهنى بملقاك

ويشدني للحب موال الأشواق

أسهر على طيفك وتغريد ذكراك

وأقطف من زهور الغلا كل مالقاك

ياشين بعدك ياحبيبي وفرقاك

وياحلو وصلك يابعد كل الأحباب





على خير أشوفك كان حنا من الحيين

مصير الليالي تجمع الحي مع حيه

تموت القلوب الخالية بين زين وشين

وتعيش القلوب اللي على الحب مبنية

ترى البعد بعد القلب ماهوب بعد العين

أليا صار من ودعك يوعدك بالجيه




أرجو أن تعجبكم وتحوز على رضاكم

أهداء خاص لأعز الناس مغليك يابعدهم

كلام اجمل من التغني يخاطب ابيات القلوب الشعرية
من فتاة رائعة بئبداع وتفني وصدق جاء من البديهة

فسلم أحساسك وصدقك وقلمك

شكرا كثير ليكم على قراءتكم ومشركتكم والله يحفظكم يارب بالتوفيق للجميهع يارب
وأشكركم كثيرا مرة ثانية